عن الخوف بشكل عام وعن الخوف من الحيوانات الاليفة بشكل خاص
(بمشاركة فريق عمل قناة زوالوجيست )
الخوف من الحيوانات الاليفة
ما هو الخوف؟
الخوف هو الشعور الناتج عن خطر أو تهديد محسوس، وقد يكون هذا الشعور حقيقياً، أو مجرد خيال ووهم لا وجود له.
الخوف هو شعور بينتج عن خطر أو تهديد ما
وممكن يكون هالشعور حقيقي وممكن يكون مجرد خيال ووهم مالو وجود
الخوف بيأدي لتغيرات فيزيولوجية بتصير بجسمنا متل توسع حدقة العين او انو نحس بتسرع بدقات القلب وغيرها من التغييرات
وبيأدي كمان لردود أفعال سلوكية مثل انه نهرب أو نواجه اونتجمد بمكاننا
عادة بيحدث الخوف كاستجابة لمحفز معين عم يصير بالوقت الحالي
متل اني عم اقطع الشارع وانتبهت على سيارة مسرعة باتجاهي،
أو يكون الخوف استجابة لتوقع بأنو في تهديد مستقبلي بيشكل خطر على حياتي، مثلا انو ما اركب بالسفينة لان عندي توقع مسبق انو ممكن تغرق.
للخوف درجتين:
ممكن يكون عقلاني ومناسب ومهم للحفاظ على حياتنا متل الخوف الحيوانات المفترسة
وممكن يكون غير عقلاني ويسمى الرهاب او الفوبيا متل الخوف من الاختلاط بالناس.
وكمان للخوف نوعين:
ممكن يكون فطري وهي المخاوف اللي ولدنا معها متل الخوف من السقوط والأصوات الصاخبة.
وممكن يكون مكتسب منتعلمو اما من تجاربنا الشخصية أو من خلال علاقاتنا الاجتماعية وثقافتاتنا او معتقداتنا متل الخوف من الحيوانات الأليفة (قطط، كلاب .. الخ)، واللي رح نحكي عليه بالتفصيل و يكون محور حديثنا لليوم..
